XX. mendeko Euskararen Corpus estatistikoa
Testuingurua
BORTÛZALEAilande jaiki da argitû beno lehen.
Egûna igaran nahi dû bortûak gainti.
So bat arrunt kanpo.
- Horik xahatûko dûtûk;
gorago zohardi izan behar dik,
- Ez ditiak janen, bena zer hel ere.
Uste dû hon dela, korpitz osagarriarentako,
noizetik noizeala xûhûrkiago jatea.
Hau arren aldi haûtûa,
Egûnoroztako akodiñak ûtzirik, ehiñerago delakoz.
Hala beita arenkûrek
jatera eta jatera bultzatzen dûela,
sûkre tarrok zonbait, bospesei, goititzen dû.
Ekiak gogorki joko dûanean,
eineren nabaritzen hasiko denean,
horietarik bat, arteka,
busti eta hurean,
hurtzera ûtziko dû ahoan.
Sûkreak emaiten dû igeitarzûna zankoer,
franko hon date hirugerren zanko bezala.
Bi banba eginarazten deio sûkalteko zoladûran.
Zur kente honekoa da,
elorri xuritik berezia.
Aspalditik begistatzen zûan zerrailûan.
Besteen erdian xûxen eta txût zagon.
behar zen bezain bat
gorotz barnean ehortzirik ûztez.
Lûzentarzûn osoan, adar hanpûlotsez beterik da.
Zolako mûtûrrak
egiten deio bûrû bat bezala.
Gainekotik, eskûak,
bi adarxkoren artean doi gahatzen dû.